«Manchester Yunayted» xo‘jayini Jim Retkliff klubning yangi bosh murabbiyi sifatida Angliya terma jamoasining sobiq ustozi Garet Sautgeytni hamon munosib nomzod deb hisoblamoqda. Bu haqda TEAMtalk nashri xabar berdi.
Manba ma’lumotiga ko‘ra, Retkliff Sautgeyt nomzodini kelasi mavsum uchun «MYU» bosh murabbiyi sifatida ko‘rib chiqish jarayonini davom ettirmoqda. Biroq asosiy favorit sifatida hozirgi bosh murabbiy Maykl Kerrik qolmoqda.
Shu bilan birga, «Manchester Yunayted» short-listida yana bir nechta nomzodlar bor: Angliya va Germaniya terma jamoalari bosh murabbiylari — Tomas Tuxel va Yulian Nagelsman, «Aston Villa» ustozi Unay Emeri hamda «Bornmut»ni tark etishi kutilayotgan Andoni Iraola.
Yakuniy qaror mavsum oxirida qabul qilinadi.













