Ispaniya La Ligasining 32-turidan o‘rin olgan bahsda Madridning «Atletiko» jamoasi Bilbaoning «Atletik» klubini qabul qildi. Uchrashuv Ispaniyaning Madrid shahridagi «Sivitas Metropolitano» stadionida bo‘lib o‘tdi. Unda maydon egalari 3:2 hisobida g‘alaba qozondi.

O‘yindagi hisob 23-daqiqada «Atletik» himoyachisi Aytor Paredes tomonidan ochildi. 49-daqiqada madridliklar hujumchisi Antuan Grizmann hisobni tenglashtirdi. Oradan besh daqiqa o‘tib, Aleksandr Syorlot mezbonlarni oldinga olib chiqdi, 90+3-daqiqada esa dubl muallifiga aylandi. 90+7-daqiqada Gorka Guruseta mehmonlarning ikkinchi golini kiritib, o‘yinning yakuniy hisobini o‘rnatdi — 3:2.

Ispaniya chempionatida 33 ta uchrashuvdan keyin «Atletiko» 60 ochko jamg‘arib, turnir jadvalida to‘rtinchi o‘rinni egallab turibdi. «Atletik» esa 41 ochko bilan to‘qqizinchi pog‘onada joylashgan.

Keyingi turda «Atletiko» safarda «Valensiya»ga qarshi maydonga tushadi (2 may), «Atletik» esa shu kuni «Alaves» bilan kuch sinashadi.

Ispaniya — La Liga, 32-tur
25 aprel 2026 yil, shanba
«Atletiko» (Madrid) — «Atletik» (Bilbao) 3:2
Gollar: Paredes 23 (0:1), Grizmann 49 (1:1), Syorlot 54 (2:1), Syorlot 90+3 (3:1), Guruseta 90+7 (3:2).