Испания Ла Лигасининг 32-туридан ўрин олган баҳсда Мадриднинг «Атлетико» жамоаси Бильбаонинг «Атлетик» клубини қабул қилди. Учрашув Испаниянинг Мадрид шаҳридаги «Сивитас Метрополитано» стадионида бўлиб ўтди. Унда майдон эгалари 3:2 ҳисобида ғалаба қозонди.
Ўйиндаги ҳисоб 23-дақиқада «Атлетик» ҳимоячиси Айтор Паредес томонидан очилди. 49-дақиқада мадридликлар ҳужумчиси Антуан Гризманн ҳисобни тенглаштирди. Орадан беш дақиқа ўтиб, Александр Сёрлот мезбонларни олдинга олиб чиқди, 90+3-дақиқада эса дубль муаллифига айланди. 90+7-дақиқада Горка Гурусета меҳмонларнинг иккинчи голини киритиб, ўйиннинг якуний ҳисобини ўрнатди — 3:2.
Испания чемпионатида 33 та учрашувдан кейин «Атлетико» 60 очко жамғариб, турнир жадвалида тўртинчи ўринни эгаллаб турибди. «Атлетик» эса 41 очко билан тўққизинчи поғонада жойлашган.
Кейинги турда «Атлетико» сафарда «Валенсия»га қарши майдонга тушади (2 май), «Атлетик» эса шу куни «Алавес» билан куч синашади.
Испания — Ла Лига, 32-тур
25 апрель 2026 йил, шанба
«Атлетико» (Мадрид) — «Атлетик» (Бильбао) 3:2
Голлар: Паредес 23 (0:1), Гризманн 49 (1:1), Сёрлот 54 (2:1), Сёрлот 90+3 (3:1), Гурусета 90+7 (3:2).













