«Yuventus» markaziy himoyachisi Federiko Gatti transfer bozorida katta qiziqish uyg‘otmoqda.

Insayder Nikolo Skiraning xabar berishicha, 27 yoshli futbolchiga Turkiyaning «Galatasaroy» klubi da’vogarlik qilmoqda va bo‘lajak kelishuv shartlari bo‘yicha ma’lumot so‘ragan. Shuningdek, italiyalik himoyachiga «Napoli» hamda Angliya Premyer-ligasining bir qator noma’lum klublari ham qiziqish bildirmoqda.

Federiko Gattining «Yuventus» bilan amaldagi shartnomasi 2030 yilning o‘rtalariga qadar mo‘ljallangan. Joriy mavsumda futbolchi turinliklar safida 25 ta o‘yinda ishtirok etib, o‘z hisobiga 4 ta gol yozdirib qo‘ydi. Transfermarkt portali markaziy himoyachining narxini 16 million yevroga baholamoqda.