«Manchester Yunayted» bosh murabbiyi Maykl Kerrik «MYU» va «Liverpul» o‘rtasidagi qarama-qarshilik haqida o‘z fikrlarini bildirdi.

Jamoalar shu yakshanba kuni APLning 35-turi doirasida o‘zaro bahs olib boradilar.

«Bu shubhasiz doimo mening eng sevimli o‘yinlarimdan biri bo‘lib kelgan. Hech qanday ikkilanishsiz ayta olamanki, bu — alohida ahamiyatga ega bahs.

Albatta, bizda boshqa katta o‘yinlar va turli jamoalar bilan raqobatlar bor, ammo bu qarama-qarshilik o‘zining tarixi, o‘tmishdagi past-balandliklari, jozibadorligi va hissiyotlari bilan eng muhimlari qatorida turadi. Bularning barchasi uni haqiqatan ham o‘ziga xos qiladi.

Ushbu uchrashuv haqida o‘ylaganimda, xayolimga keladigan birinchi narsa — yillar davomida jamoalarning turnir jadvalidagi o‘rnidan qat’i nazar, maydondagi haqiqiy kurash muhitidir. Bunday omillar futbolchilar va muxlislarning hissiyotlarini hech qachon o‘zgartira olmagan. Men bu o‘yin ular uchun naqadar katta ahamiyatga ega ekanligini juda qadrlayman», — dedi Kerrik.