Milanning «Inter» klubi tajribali himoyachi Stefan de Vrey bilan hamkorlikni davom ettirish borasida muzokaralar olib bormoqda. Ammo tomonlarning yangi kelishuvga erishishi hozircha noma’lum bo‘lib qolmoqda.
Insayder Nikolo Skiraning xabar berishicha, 34 yoshli niderlandiyalik futbolchining amaldagi shartnomasi 2026 yilning iyun oyida yakuniga etadi. «Neradzurrilar» rahbariyati himoyachiga shartnomani 2027 yilgacha uzaytirishni taklif qilgan. Biroq yangi bitimda muhim shart bor: klub futbolchidan yillik maoshini sezilarli darajada kamaytirishni talab qilmoqda.
Ayni damda de Vreyning atrofidagi vaziyatni boshqa klublar ham diqqat bilan kuzatib bormoqda. Xususan, Portugaliyaning «Benfika» va Gresiyaning «Olimpiakos» jamoalari tajribali himoyachini o‘z safiga qo‘shib olishga qiziqish bildirgan. Agar futbolchi «Inter»ning shartiga rozi bo‘lmasa, faoliyatini ushbu klublardan birida davom ettirishi mumkin.
Eslatib o‘tamiz, Stefan de Vrey 2018 yildan buyon «Inter» sharafini himoya qilib kelmoqda
