Миланнинг «Интер» клуби тажрибали ҳимоячи Стефан де Врей билан ҳамкорликни давом эттириш борасида музокаралар олиб бормоқда. Аммо томонларнинг янги келишувга эришиши ҳозирча номаълум бўлиб қолмоқда.
Инсайдер Николо Скиранинг хабар беришича, 34 ёшли нидерландиялик футболчининг амалдаги шартномаси 2026 йилнинг июнь ойида якунига этади. «Нерадзуррилар» раҳбарияти ҳимоячига шартномани 2027 йилгача узайтиришни таклиф қилган. Бироқ янги битимда муҳим шарт бор: клуб футболчидан йиллик маошини сезиларли даражада камайтиришни талаб қилмоқда.
Айни дамда де Врейнинг атрофидаги вазиятни бошқа клублар ҳам диққат билан кузатиб бормоқда. Хусусан, Португалиянинг «Бенфика» ва Грeциянинг «Олимпиакос» жамоалари тажрибали ҳимоячини ўз сафига қўшиб олишга қизиқиш билдирган. Агар футболчи «Интер»нинг шартига рози бўлмаса, фаолиятини ушбу клублардан бирида давом эттириши мумкин.
Эслатиб ўтамиз, Стефан де Врей 2018 йилдан буён «Интер» шарафини ҳимоя қилиб келмоқда
