Italiya A Seriyasining 2025/2026 yilgi mavsumi 35-turidan o‘rin olgan «Kremoneze» va «Lasio» jamoalari o‘rtasidagi uchrashuv yakunlandi. Jamoalar Kremonadagi «Jovanni Sini» stadionida bahs olib borishdi. Uchrashuvni padualik bosh hakam Daniele Kiffi boshqarib bordi. Unda mehmonlar 2:1 hisobida g‘alaba qozonishdi.
O‘yinning 29-daqiqasida hujumchi Federiko Bonassoli «Kremoneze»ni hisobda oldinga olib chiqdi. 53-daqiqada daniyalik Gustav Isaksen hujumchi Teyyanni Noslinning uzatmasidan so‘ng muvozanatni tikladi. O‘yinga qo‘shib berilgan vaqtda (90+3-daqiqa) esa Noslinning o‘zi gol urib, jamoasiga g‘alaba keltirdi.
Ushbu g‘alabadan so‘ng «Lasio» ochkolari sonini 51 taga yetkazdi. Rimliklar Italiya chempionatida sakkizinchi o‘rinni egallab turishibdi. «Kremoneze» hisobida esa 28 ochko bor. Jamoa turnir jadvalining 18-pog‘onasida, ya’ni A Seriyani tark etish zonasida bormoqda. Ularning 17-o‘rindagi jamoadan orqada qolishi 4 ochkoni tashkil etadi.
