Италия А Сериясининг 2025/2026 йилги мавсуми 35-туридан ўрин олган «Кремонезе» ва «Лацио» жамоалари ўртасидаги учрашув якунланди. Жамоалар Кремонадаги «Жованни Цини» стадионида баҳс олиб боришди. Учрашувни падуалик бош ҳакам Даниэле Киффи бошқариб борди. Унда меҳмонлар 2:1 ҳисобида ғалаба қозонишди.

Ўйиннинг 29-дақиқасида ҳужумчи Федерико Бонаццоли «Кремонезе»ни ҳисобда олдинга олиб чиқди. 53-дақиқада даниялик Густав Исаксен ҳужумчи Тейянни Нослиннинг узатмасидан сўнг мувозанатни тиклади. Ўйинга қўшиб берилган вақтда (90+3-дақиқа) эса Нослиннинг ўзи гол уриб, жамоасига ғалаба келтирди.

Ушбу ғалабадан сўнг «Лацио» очколари сонини 51 тага етказди. Римликлар Италия чемпионатида саккизинчи ўринни эгаллаб туришибди. «Кремонезе» ҳисобида эса 28 очко бор. Жамоа турнир жадвалининг 18-поғонасида, яъни А Серияни тарк этиш зонасида бормоқда. Уларнинг 17-ўриндаги жамоадан орқада қолиши 4 очкони ташкил этади.