Italiyalik mutaxassis Andrea Maldera Ukraina terma jamoasi bosh murabbiyiga aylanishga yaqin turibdi. Bu haqda jurnalist Fabrisio Romano o‘zining ijtimoiy tarmoqlarida ma’lum qildi.
Manbaning xabariga ko‘ra, kelishuvni rasmiylashtirish jarayoni yakuniy bosqichda. Maldera avval ham terma jamoa shtabida texnik rivojlanish bo‘yicha murabbiy sifatida faoliyat yuritgan. Shuningdek, u «Milan»da o‘yinlar tahlilchisi va yoshlar jamoasi murabbiyi, «Brayton» hamda 2026 yilning fevralida tark etgan «Marsel» klublarida yordamchi murabbiy lavozimlarida ishlagan.
Ukraina terma jamoasi o‘tish o‘yinlarida Shvesiyaga imkoniyatni boy berib, Jahon chempionati yo‘llanmasidan mahrum bo‘lgan edi. So‘nggi 3 yil davomida jamoani Sergey Rebrov boshqarib kelayotgandi.
