«Manchester Siti» rahbariyati yarim himoyachi Fil Foden bilan muvaffaqiyatli muzokaralar o‘tkazdi. Bu haqda insayder Devid Ornshteyn ijtimoiy tarmoqlar orqali xabar bermoqda.
Manbaning ma’lum qilishicha, tomonlar hamkorlikni 2030 yilning o‘rtalariga qadar uzaytirish bo‘yicha kelishuvga erishishgan. 25 yoshli futbolchining «shaharliklar» bilan amaldagi shartnomasi 2027 yilning iyun oyi oxirida yakuniga yetishi kerak edi.
Transfermarkt portali mutaxassislari Fodenning bozor qiymatini 80 million yevroga baholamoqdalar. Angliya Premyer-ligasining joriy mavsumida yarim himoyachi 29 ta uchrashuvda maydonga tushib, o‘z hisobiga 7 ta gol va 3 ta golli uzatmani yozdirib qo‘ygan.
