«Aston Villa»ning ispaniyalik bosh murabbiyi Unai Emeri Madridning «Real» klubi yangi bosh murabbiyligi uchun nomzodlar ro‘yxatidan joy oldi. Bu haqda talkSPORT nashri xabar bermoqda.
Emerining «Aston Villa» bilan uzoq muddatli shartnomasi bo‘lishiga qaramay, ayrim manbalar murabbiy o‘z vatanidagi yangi chorlovga qiziqish bildirishi mumkinligini taxmin qilishmoqda. Shuningdek, Emerining qaroriga «Aston Villa»dagi moliyaviy cheklovlar ham ta’sir qilishi mumkinligi aytilmoqda.
Unai Emeri Birmingem klubini 2022 yildan beri boshqarib kelmoqda. Mutaxassis jamoaga kelganidan so‘ng nafaqat uni quyi ligaga tushib ketishdan qutqarib qoldi, balki qisqa vaqt ichida yangi darajaga olib chiqdi. Emeri qo‘l ostida «arslonlar» birorta ham yevrokubok mavsumini o‘tkazib yuborishmadi. Hozirda «Aston Villa» kelasi mavsumda Chempionlar ligasi yo‘llanmasini qo‘lga kiritish uchun yaxshi imkoniyatga ega bo‘lib turibdi.













