«Barselona»ning sobiq bosh murabbiyi Xavi Angliyaga ko‘chib o‘tib, «Chelsi»ni boshqarishga tayyor. Biroq London klubi ispaniyalik mutaxassis xizmatlariga qiziqish bildirmayapti. Bu haqda jurnalist Ben Jeykobs ijtimoiy tarmoqdagi sahifasida ma’lum qildi.
Manbaga ko‘ra, ayni paytda «Chelsi» bosh murabbiy lavozimi uchun Xabi Alonso, Marku Silva va Andoni Iraola nomzodlarini ko‘rib chiqmoqda. Ushbu mutaxassislar klub tomonidan jiddiy ravishda kuzatilmoqda.
Xavining so‘nggi ish joyi «Barselona» bo‘lgan. U jamoani 2021–2024 yillar davomida boshqarib, klub bilan Ispaniya chempionati va Superkubogini qo‘lga kiritgan.













