«Yuventus» himoyachisi Pyer Kalyulyu Angliya chempionatining 3 ta klubi e’tiboriga tushdi. Bu haqda Caught Offside portali xabar bermoqda.

Manba bergan ma’lumotlarga ko‘ra, futbolchiga «Liverpul», «Manchester Yunayted» va «Aston Villa» jamoalari da’vogarlik qilmoqda. Rasman «Yuventus» futbolchini sotishni istamayapti va uni jamoaning muhim qismi deb hisoblaydi. Bundan tashqari, klub unga maoshi oshirilgan holda 2030 yilgacha mo‘ljallangan yangi shartnoma taklif qilishni rejalashtirmoqda.

Biroq, 40 million yevro atrofidagi mablag‘ evaziga Turin klubi o‘z pozisiyasini o‘zgartirishi mumkin, ayniqsa futbolchining o‘zi shartnomani uzaytirishni rad etsa. Hozircha da’vogarlar orasida yaqqol favorit yo‘q, lekin «Liverpul» va «Manchester Yunayted» himoya chizig‘ini kuchaytirish uchun faol izlanishmoqda. «Aston Villa»da esa moliyaviy cheklovlar sababli transfer borasida qiyinchiliklar yuzaga kelishi mumkinligi qayd etilgan.

Joriy mavsumda 25 yoshli fransuz barcha musobaqalarda 46 ta o‘yinda ishtirok etib, 2 ta gol urdi va 7 ta golli uzatmani amalga oshirdi. Uning hisobida 1 ta qizil va 1 ta sariq kartochka bor.