«Bavariya» yarim himoyachisi Aleksandr Pavlovich jamoaning Chempionlar ligasi yarim finalidagi mag‘lubiyatidan so‘ng o‘z fikrlari bilan o‘rtoqlashdi.

«Qadrli muxlislar, men hozir nimani his qilayotgan bo‘lsangiz, men ham shuni his qilyapman. Tushkunlik juda katta. Hammamiz finalga chiqishni istagandik. Afsuski, bu yil yetarlicha harakat qila olmadik. Ammo biz — «Bavariya»miz, taslim bo‘lish bizning tabiatimizda yo‘q. Bundan saboq chiqaramiz. Bor kuchimizni ishga solamiz va keyingi yil birgalikda yanada kuchli bo‘lib qaytamiz. Keling, ushbu mavsumni ijobiy notada yakunlaylik va Bundesliganing qolgan o‘yinlarida hamda Berlindagi Germaniya Kubogi finalida bor kuchimizni beraylik. Har doimgidek, ajoyib qo‘llab-quvvatlashingiz uchun rahmat. Kelajakda bizni ko‘plab muvaffaqiyatlar kutmoqda», — deb yozdi Pavlovich ijtimoiy tarmoqlarda.

Eslatib o‘tamiz, «Bavariya» ikki o‘yin natijasiga ko‘ra «PSJ»ga 5:6 hisobida imkoniyatni boy berib, Chempionlar ligasini tark etdi.