«Aston Villa» bosh murabbiyi Unai Emeri Yevropa Ligasi yarim finali doirasidagi «Nottingem Forest»ga qarshi javob o‘yini oldidan o‘z fikrlari bilan o‘rtoqlashdi. Eslatib o‘tamiz, dastlabki bahsda «Nottingem» 1:0 hisobida g‘alaba qozongan edi.
«Bizda hozirgi va kelajakdagi maqsadlarimiz uchun yangi vazifalar qo‘yish imkoniyati bo‘ladi. Bugungi o‘yin biz uchun yoki kimdir uchun oxirgi imkoniyat ekanini o‘ylamayman. Futbolchilar, albatta, biz bosib o‘tayotgan jarayondan zavq olishmoqda. Ular futboldagi qiyinchiliklarni anglab turishibdi, lekin «Aston Villa»da oxirgi uch yil davomida boshdan kechirayotgan buyuk lahzalarimizni hisobga olsak, biz tabassum qilishimiz va hammasidan faxrlanishimiz mumkin.
Biroq, biz hamon o‘zimizga nisbatan juda talabchanmiz va qilayotgan ishlarimizda izchillikni saqlab qolamiz. Bu (natija) bizning fikrlashimizga, jarayonimizga va rivojlanish yo‘limizga hech qanday putur yetkazmaydi», — dedi Emeri matbuot anjumanida.
