«An-Nasr» hujumchisi Krishtianu Ronaldu Saudiya Arabistoni chempionati 33-turidan o‘rin olgan «Ash-SHabob»ga qarshi o‘yinda (4:2) gol urishga muvaffaq bo‘ldi. U 75-daqiqada Sadio Manening uzatmasidan so‘ng raqib darvozasini ishg‘ol qildi.
41 yoshli portugaliyalik yulduz uchun ushbu gol Saudiya Arabistoni chempionatidagi 100-si bo‘ldi. Bu ko‘rsatkichga erishish uchun unga 105 ta o‘yin kifoya qildi.
Ronaldu faoliyati davomida klublar miqyosida jami 1088 ta o‘yinda 822 ta gol urdi, shuningdek, Portugaliya terma jamoasi safida 226 ta bahsda 143 bor raqiblar darvozasini ishg‘ol qildi. Faoliyatidagi 1000-golgacha unga yana 35 ta to‘p qoldi.
