«Barselona» markaziy himoyachisi Erik Garsiya jamoaning kuchi haqida o‘z fikrini bildirdi. Yakshanba, 10 may kuni La Liga 35-turi doirasida «ko‘k-anorranglilar» o‘z maydonida Madridning «Real» klubini qabul qiladi.

«Bizda ajoyib jamoa bor, hamma bir-biriga yordam berishga harakat qiladi. Biz bilamizki, tarkibimizda Yamal, Rafinya va Pedri kabi o‘yin taqdirini bir o‘zi hal qila oladigan futbolchilar bor. Albatta, ularning har qanday birining yo‘qligi doimo seziladi», – deya Erik Garsiyaning so‘zlarini Barca Universal nashri keltirmoqda.

Eslatib o‘tamiz, Lamin Yamal jarohati tufayli mavsum oxirigacha safdan chiqqan, Rafinya Dias esa mart oyidan beri maydonga tushmayapti. Bo‘lajak «el klasiko»da kataloniyaliklarga chempionlikni naqd qilish uchun mag‘lub bo‘lmaslik kifoya.