«Manchester Siti» bosh murabbiyi Xosep Gvardiola ingliz klublarining yevrokuboklardagi muvaffaqiyati haqida fikr bildirdi. «Arsenal» Chempionlar ligasi finaliga chiqdi, «Aston Villa» va «Kristal Pelas» esa mos ravishda Yevropa ligasi va Konferensiyalar ligasi finalida o‘ynaydigan bo‘ldi.

«Arteta va «Arsenal»ni Chempionlar ligasi finaliga chiqqani bilan tabriklamoqchiman — bu ham klub, ham butun ingliz futboli uchun ajoyib natija. «Aston Villa» borasida ham shunday deya olaman: Emeri yana bir bor qanday aql bovar qilmas murabbiy ekanini ko‘rsatdi. Yevropa ligasida oltita final... «Kristal Pelas»da Glasner bilan ham xuddi shunday holat. Yevrokubok finallarida uchta jamoa — bu ingliz futboli uchun ulkan muvaffaqiyat», – deya Gvardiolaning so‘zlarini City Xtra nashri keltirmoqda.

Shanba kuni «shaharliklar» Premyer-liga bahsida o‘z maydonlarida «Brentford»ni qabul qilishadi.