Turkiya Superligasining 33-turida «Galatasaroy» o‘z maydonida «Antalyaspor»ni qabul qildi. Bahsda istanbulliklar 4:2 hisobida g‘alaba qozonishdi.

O‘yin davomida mezbonlar ikki bor hisobda ortda qolishdi, biroq iroda namoyish etib, yakunda muhim g‘alabani qo‘lga kiritishdi. Uchrashuvning 88-daqiqasida Viktor Osimxen o‘zining ikkinchi golini urib, jamoasiga chempionlik keltirgan to‘pga mualliflik qildi.

Ushbu g‘alabadan so‘ng «Galatasaroy» ochkolari sonini 77 taga yetkazdi va chempionat yakuniga bir tur qolganda eng yaqin ta’qibchisi «Fenerbaxche» (73 ochko) uchun yetib bo‘lmas masofaga chiqib oldi.

Shu tariqa, «Galatasaroy» qatorasiga to‘rtinchi bor va o‘z tarixida 26-marta Turkiya chempioni degan sharafli nomga sazovor bo‘ldi. Ma’lumot uchun, ularning asosiy raqobatchisi «Fenerbaxche» hisobida 19 ta titul bor va jamoa oxirgi marta 2014 yilda oltin medallarni qo‘lga kiritgan.