UEFA Yevropa Ligasi va Konferensiyalar Ligasining final uchrashuvlarini boshqaradigan hakamlar nomini e’lon qildi.

20 may kuni bo‘lib o‘tadigan Yevropa Ligasining hal qiluvchi bahsida «Aston Villa» va «Frayburg» jamoalari to‘qnash kelishadi. Ushbu o‘yinni Fransua Leteksye boshchiligidagi hakamlar brigadasi boshqarib boradi. Unga hamyurtlari Siril Munye va Mexdi Raxmuni yordam berishadi. Zaxira hakami sifatida ispaniyalik Alexandro Ernandes Ernandes qayd etilgan. VAR tizimi uchun Jerom Brisar mas’ul bo‘ladi, unga Villi Delajo va Dennis Xigler ko‘maklashadi.

27 may kuni o‘tkaziladigan Konferensiyalar Ligasi finalida esa «Kristal Pelas» va «Rayo Valyekano» bahs olib boradi. Ushbu uchrashuvga italiyalik Maurisio Mariani bosh hakam etib tayinlandi. Uning assistentlari — Daniele Bindoni va Alberto Tegoni, zaxira hakami — shvesiyalik Glenn Nyuberg. Videoassistent (VAR) sifatida Marko Di Bello ishlaydi, unga Daniele Kiffi va Ivan Bebek yordam berishadi.