«Arsenal»ning sobiq futbolchisi Pol Merson kelasi mavsumda «Liverpul» APL turnir jadvalida «Manchester Yunayted»ni ortda qoldirishiga ishonchi komil.

Joriy mavsumda «mankunianliklar» APLda uchinchi o‘rinda borishmoqda va «mersisaydliklar»dan olti ochko oldinda.

«Liverpul»da ko‘p narsa sodir bo‘ldi. Yuz bergan voqealar tufayli ularga chin dildan achinaman. Shuningdek, ularda jarohatlar ham ko‘p bo‘ldi.

Kelasi mavsumda «Liverpul» «Manchester Yunayted»dan yuqoriroq o‘rinni egallaydi. Bu hali yozgi transferlar oynasida nimalar bo‘lishini hisobga olmagandagi taxmin.

Nima uchun? «Manchester Yunayted»ning ko‘plab futbolchilari yaxshi mavsum o‘tkazishdi, «Liverpul»da esa Dominik Soboslaidan tashqari deyarli hech kim bunday natija ko‘rsata olmadi. Agar «Manchester Yunayted»ga qarasak, bu mavsumda olti yoki yetti nafar o‘yinchi o‘rtacha darajadan ancha yuqori o‘yin namoyish etdi.

Aleksander Isak o‘z formasiga qaytadi. Florian Virts APLdagi birinchi mavsumini o‘tkazdi. Ishonchim komilki, «Liverpul» «Manchester Yunayted»dan yuqorida bo‘ladi», – dedi Pol Merson.