«Bavariya» hujumchisi Xarri Keyn klub bilan yangi shartnomani muhokama qilishga tayyor, biroq bu masalada shoshilayotgani yo‘q. Uning amaldagi kelishuvi 2024 yilgacha mo‘ljallangan bo‘lib, Myunxenliklar rahbariyati yangi bitim tuzish niyatida ekani ma’lum.
Bayern & Germany xabariga ko‘ra, Keyn avvalroq bor e’tiborini Chempionlar ligasiga qaratgani sababli muzokaralarni keyinga surib kelayotgan edi. Jamoa turnirni tark etgach, u muhokamalarga tayyorligini bildirgan.
Shu bilan birga, manbaning ta’kidlashicha, 32 yoshli futbolchi kelajagi borasida hech qanday bosim sezmayapti. U klub rahbariyatiga suhbatni biroz kechroq — yoz o‘rtasida, Jahon chempionati yakunlanganidan keyin o‘tkazishga qarshi emasligini tushuntirgan.
Xarri Keyn joriy mavsumda Vensan Kompani jamoasi safida 49 ta o‘yinda maydonga tushib, o‘z hisobiga 55 ta gol va 7 ta golli uzatmani yozdirib qo‘ydi.
