«Бавария» ҳужумчиси Харри Кейн клуб билан янги шартномани муҳокама қилишга тайёр, бироқ бу масалада шошилаётгани йўқ. Унинг амалдаги келишуви 2024 йилгача мўлжалланган бўлиб, Мюнхенликлар раҳбарияти янги битим тузиш ниятида экани маълум.

Bayern & Germany хабарига кўра, Кейн аввалроқ бор эътиборини Чемпионлар лигасига қаратгани сабабли музокараларни кейинга суриб келаётган эди. Жамоа турнирни тарк этгач, у муҳокамаларга тайёрлигини билдирган.

Шу билан бирга, манбанинг таъкидлашича, 32 ёшли футболчи келажаги борасида ҳеч қандай босим сезмаяпти. У клуб раҳбариятига суҳбатни бироз кечроқ — ёз ўртасида, Жаҳон чемпионати якунланганидан кейин ўтказишга қарши эмаслигини тушунтирган.

Харри Кейн жорий мавсумда Венсан Компани жамоаси сафида 49 та ўйинда майдонга тушиб, ўз ҳисобига 55 та гол ва 7 та голли узатмани ёздириб қўйди.