Xabi Alonso «Real»ni boshqarganidan hafsalasi pir bo‘lgan. Cadena SER nashrining ma’lumotlariga ko‘ra, murabbiy o‘z yaqinlariga o‘tgan yili Madrid klubini boshqarishga rozi bo‘lib, xatoga yo‘l qo‘yganini aytgan.
Alonso o‘z murabbiylik faoliyatida bunday xatoni boshqa hech qachon takrorlamasligini ta’kidlagan.
Xabi Alonso 2025 yil yozidan 2026 yil yanvarigacha «Real»ni boshqardi. Bungacha ispaniyalik mutaxassis uch mavsum davomida Leverkuzenning «Bayer» klubiga ustozlik qilib, u bilan Bundesliga, Germaniya Kubogi va Germaniya Superkubogida g‘olib chiqqan edi. 2024 yil yakunlariga ko‘ra, Xabi Alonso Germaniyada yilning eng yaxshi murabbiyi deb topilgan edi.
