Fransiya chempionatining 29-turidan o‘rin olgan qoldirilgan bahsda «Lans»ni mag‘lub etgan (2:0) «PSJ» navbatdagi chempionlikni qo‘lga kiritdi. Luis Enrike shogirdlari ushbu g‘alaba orqali nafaqat titulni himoya qilishdi, balki hayratlanarli statistik ko‘rsatkichni ham qayd etishdi.
Qatarlik investorlar klubni sotib olgan 2011/12 yilgi mavsumdan buyon «Pari Sen-Jermen» jami 41 ta sovringa ega chiqdi (shundan 38 tasi Fransiya ichki musobaqalarida). Bu vaqt oralig‘ida Fransiyaning qolgan barcha klublari birgalikda jami 14 tagina g‘alabaga erishishgan.
Boshqacha aytganda, Parij klubining bir o‘zi so‘nggi 15 yil ichida mamlakatdagi barcha raqiblarining umumiy sovrinlaridan uch baravar ko‘proq muvaffaqiyatga erishgan. «PSJ»dan tashqari faqatgina «Lill» va «Lion» jamoalari ushbu davrda bir martadan ko‘p (ikkitadan) sovrin yutishga muvaffaq bo‘lishdi, xolos.
