Eronning Portugaliyadagi elchisi Majid Tafreshi Jahon chempionatining siyosiylashtirilishiga qarshi chiqdi. Avvalroq AQSH prezidenti Donald Trampning maxsus vakili Paolo Dzampolli JCH-2026da Eron terma jamoasini Italiya bilan almashtirish taklifini ilgari surgan edi.
— So‘nggi haftalarda Eronning Jahon chempionatidagi ishtiroki borasida shubhalar paydo bo‘ldi va hatto FIFA prezidenti Janni Infantino tomonidan rad etilgan bo‘lsa-da, Italiya Eron o‘rnini egallashi mumkinligi haqida taxminlar ilgari surildi. Bunday ssenariy amalga oshishidan hali ham xavotirdamisiz?
— Bu futbolni siyosiylashtirishning eng shafqatsiz usuli bo‘lardi va o‘shanda futbol o‘ziga bo‘lgan barcha ishonchni yo‘qotardi. Bunday qilish mumkin emas. Men hatto FIFAning Rossiyaga nisbatan harakatlarini ham tushunarsiz deb hisoblayman.
Biz futbol dunyosini o‘zgartirishimiz kerak, chunki sport va siyosat — butunlay boshqa-boshqa sohalar. Biz odamlarning birga bo‘lish istagini qo‘llab-quvvatlashimiz, insonlarni birlashtira oladigan har qanday kuchdan foydalanishimiz va uni hayotga tatbiq etishimiz lozim. Biz buning uchun kurashishimiz kerak va futbol bu borada yaxshi salohiyatga ega, — dedi Tafreshi.
