Lissabonning «Benfika» klubi bosh murabbiy Joze Mourinyoning ehtimoliy ketishiga tayyorgarlik ko‘rmoqda va unga o‘rinbosar izlashni boshladi. Jurnalist va insayder Nikolo Skiraning ijtimoiy tarmoqda ma’lum qilishicha, klub Angliyaning «Fulxem» jamoasi bosh murabbiyi Marku Silvani asosiy nomzod sifatida ko‘rmoqda.

Joze Mourinyo hamda «Real» rahbariyati o‘rtasidagi muzokaralar ancha ilgarilab ketgani sababli, «Benfika» yangi bosh murabbiy izlashni tezlashtirgan.

Marku Silvaning «Fulxem» bilan shartnomasi mavsum so‘ngida yakunlanadi va uzaytirilmaydi. Bu esa «Benfika»ning uni jalb qilish imkoniyatini oshirmoqda.

OAVda Marku Silvaga bir nechta yirik klublar qiziqish bildirayotgani haqida bir necha bor xabarlar chiqqan. Shuningdek, u Liam Rosenyor ketganidan keyin hali yangi murabbiy topmagan «Chelsi» bosh murabbiyligiga da’vogarlardan biri sifatida ham ko‘rilmoqda.