Madridning «Real» klubi hujumchisi Kilian Mbappe «Ovyedo»ga qarshi uchrashuv vaqtida o‘z manziliga yangragan hushtakbozliklarga munosabat bildirdi.
“Biz g‘azablangan odamlarning fikrini o‘zgartira olmaymiz. Bu — ularning o‘z munosabatini bildirish usuli va buni shaxsiy qabul qilish kerak emas. Meni avval ham ko‘p bor hushtakbozlik bilan qarshi olishgan.
Bu — «Real» futbolchisi va men kabi mashhur inson hayotining bir qismi. Bunga ko‘nikish kerak. Bu odamlarning fikri, bundan hech kim o‘lmaydi.
Jamoa g‘alaba qozonmaganida odamlar aybdor izlashi tabiiy holat. Bu barcha klublarda uchraydi”, — dedi Mbappe.
Fransuz hujumchisi joriy mavsum barcha musobaqalarda 42 ta o‘yinda ishtirok etib, 41 ta gol va 7 ta golli uzatmaga mualliflik qildi.













