«Manchester Yunayted» yarim himoyachisi Meyson Maunt klubni tark etish niyatida emas. 27 yoshli futbolchi jamoaning hozirgi bosh murabbiyi Maykl Kerrik qo‘l ostida kam o‘yin amaliyotiga ega bo‘lmoqda — bunga asosan uni ta’qib qilishda davom etayotgan jarohatlar sabab bo‘lmoqda.
Jurnalist Samuel Lakxyorstning ma’lumotiga ko‘ra, yarim himoyachi joriy murabbiy davrida istiqbollari shubhali bo‘lishiga qaramay, jamoada qolishga qat’iy qaror qilgan. Futbolchi Manchesterda o‘z faoliyatini qayta tiklay olishiga ishonmoqda.
Meyson Maunt joriy mavsumda «qizil iblislar» tarkibida 23 ta o‘yinda ishtirok etib, o‘z hisobiga 3 ta gol va 1 ta golli uzatmani yozdirib qo‘ydi. Ingliz futbolchisining «MYU» bilan shartnomasi 2028 yilgacha mo‘ljallangan.
