«Манчестер Юнайтед» ярим ҳимоячиси Мэйсон Маунт клубни тарк этиш ниятида эмас. 27 ёшли футболчи жамоанинг ҳозирги бош мураббийи Майкл Кэррик қўл остида кам ўйин амалиётига эга бўлмоқда — бунга асосан уни таъқиб қилишда давом этаётган жароҳатлар сабаб бўлмоқда.

Журналист Самуэль Лакхёрстнинг маълумотига кўра, ярим ҳимоячи жорий мураббий даврида истиқболлари шубҳали бўлишига қарамай, жамоада қолишга қатъий қарор қилган. Футболчи Манчестерда ўз фаолиятини қайта тиклай олишига ишонмоқда.

Мэйсон Маунт жорий мавсумда «қизил иблислар» таркибида 23 та ўйинда иштирок этиб, ўз ҳисобига 3 та гол ва 1 та голли узатмани ёздириб қўйди. Инглиз футболчисининг «МЮ» билан шартномаси 2028 йилгача мўлжалланган.