"Manchester Siti" yarim himoyachisi Bernardu Silva kelayotgan yozda "Benfika"ga qaytmaydi.
Portugaliyalik futbolchi "shaharliklar" safini tark etmoqda — mavsum yakunlangach, u erkin agentga aylanadi. "Benfika" o‘yinchiga asosiy da’vogarlardan biri sifatida qaralayotgan edi, biroq xavbekning o‘zi Lissabonga qaytishni hozircha kutmaslik kerakligini ma’lum qildi.
"Men jon deb qaytgan bo‘lardim, lekin hozir emas. O‘sha paytda "Benfika"ga kerak bo‘lamanmi-yo‘qmi, bunisini bilmayman", — deya jurnalist Fabrisio Romano Silvaning so‘zlaridan iqtibos keltirdi.
"Siti"ning 31 yoshli sardori uchun asosiy da’vogarlar sifatida "Barselona" va "Yuventus" tilga olinmoqda. Taxminlarga ko‘ra, futbolchining o‘zi "ko‘k-anorranglilar" safiga qo‘shilishni afzal ko‘rmoqda, biroq "keksa sinyora" ancha faolroq harakat qilmoqda.













