Italiya A Seriyasining 37-turida sensasiya qayd etildi. Turinning "Yuventus" klubi o‘z maydonida "Fiorentina" jamoasini qabul qilib, kutilmaganda 0:2 hisobida imkoniyatni boy berib qo‘ydi.

"Alyans Stadium"da kechgan bahsda mehmonlar tarkibida Cher Ndur hamda Rolando Mandragora raqib darvozasini aniq nishonga olib, "binafsharanglilar"ga o‘ta muhim g‘alabani taqdim etishdi.

Ushbu mag‘lubiyat turinliklarga juda qimmatga tushdi. 68 ochkoga ega bo‘lib turgan "Yuventus" turnir jadvalida 3-o‘rindan naqd 6-o‘ringa quladi. "Fiorentina" esa 41 ochko bilan 14-pog‘onadan joy olgan.

24 may kuni bo‘lib o‘tadigan chempionatning so‘nggi turida "Yuventus" derbida "Torino" mehmoni bo‘lsa, "Fiorentina" o‘z uyida Bergamoning "Atalanta" klubini kutib oladi.

«YUVENTUS» — «FIORENTINA» — 0:2

Gollar: Cher Ndur 34 (0:1), Rolando Mandragora 83 (0:2).

«Yuventus»: Di Gregorio, Kambyaso (Tyuram, 69), Kelli (Gatti, 81), Bremer, Kalyulyu, Kopmeyners (Boga, 46), Lokatelli, Kenan Yildiz (Miretti, 90), Makkenni, Konseysau (Jegrova, 69), Vlaxovich.

«Fiorentina»: de Xea, Gozens (Balbo, 74), Ranyeri (Komusso, 64), Pongrachich, Dodo, Breshanini (Mandragora, 64), Fadjoli (Gudmundsson, 64), Ndur, Solomon, Pikkoli, Parizi (Xarrison, 32).

Ogohlantirishlar: Bremer (45) — Pongrachich (22), Xarrison (85), Gudmundsson (90).