«Aston Villa»ning braziliyalik yarim himoyachisi Duglas Luis «Yuventus»ga qaytishi mumkin. Bu haqda «Gazzetta dello Sport» nashri xabar bermoqda.

Manbaning ma’lumotiga ko‘ra, kelayotgan yozda «Yuventus» 28 yoshli futbolchiga yangi imkoniyat taqdim etishi mumkin. Avvalroq Turin klubi Luisni sotib yuborishi kutilgandi, biroq «Yuventus» bosh murabbiyi Luchano Spalletti uni jamoada qoldirish haqida o‘ylamoqda.

Ta’kidlanishicha, murabbiy Luisning «Aston Villa»dagi ijarasi davomida ko‘rsatgan o‘yinidan hayratda qolgan. «Aston Villa» tarkibida yarim himoyachi barcha turnirlarda 18 ta o‘yinda ishtirok etib, bitta gol urdi va bitta golli uzatmani amalga oshirdi.

«Transfermarkt» portali ma’lumotlariga ko‘ra, Luisning bozor qiymati 20 million yevroni tashkil qiladi.