«Chelsi» forvardi Liam Delap kelayotgan yozda jamoada qolmasa kerak. London klubidagi debyut mavsumi futbolchi uchun muvaffaqiyatsiz kechdi: u asosiy tarkibda kamdan-kam hollarda maydonga tushdi va barcha turnirlarda bor-yo‘g‘i ikkita gol urdi.
Jurnalist Aleks Krukning xabar berishicha, barcha omillar 23 yoshli futbolchining yaqinlashib kelayotgan transfer oynasida sotib yuborilishiga ishora qilmoqda, uning o‘rniga esa tajribaliroq va sinovdan o‘tgan hujumchi sotib olinadi.
Delap o‘tgan yilning iyun oyida «Ipsvich»dan 35,5 million yevro evaziga «Chelsi»ga o‘tgan edi. Liamning «ko‘klar» bilan shartnomasi 2031 yilning o‘rtalarigacha mo‘ljallangan, uning ayni paytdagi bozor qiymati esa Transfermarkt portali tomonidan 32 million yevroga baholanmoqda.
