Portugaliya terma jamoasi va «PSJ» yarim himoyachisi Vitinya Krishtianu Ronaldu bilan bir jamoada o‘ynash haqida o‘z fikrlarini bildirdi.

— Krishtianu Ronaldu bilan bir kiyinish xonasini baham ko‘rish qanday tuyg‘u?

— Bu aql bovar qilmaydigan holat. U tarixdagi eng buyuk futbolchilardan biri. U bilan bir jamoada ekanligimdan, undan o‘rganayotganimdan va har kuni uning professionalizmiga guvoh bo‘layotganimdan faxrlanaman. Umid qilamanki, biz u bilan birga va u uchun jahon chempionatida g‘olib chiqa olamiz.

— Undan nimalarni o‘rgandingiz?

— Birinchi navbatda, uning futbolga bo‘lgan yondashuvini: o‘ta professional va jiddiy. U hech narsani tasodifga tashlab qo‘ymaydi. Maydonga tushayotganda u 100 foiz tayyor ekanligini va jamoa uchun qo‘lidan kelgan barcha ishni qilganini bilib turadi, — dedi Vitinya.