Португалия терма жамоаси ва «ПСЖ» ярим ҳимоячиси Витинья Криштиану Роналду билан бир жамоада ўйнаш ҳақида ўз фикрларини билдирди.

— Криштиану Роналду билан бир кийиниш хонасини баҳам кўриш қандай туйғу?

— Бу ақл бовар қилмайдиган ҳолат. У тарихдаги энг буюк футболчилардан бири. У билан бир жамоада эканлигимдан, ундан ўрганаётганимдан ва ҳар куни унинг профессионализмига гувоҳ бўлаётганимдан фахрланаман. Умид қиламанки, биз у билан бирга ва у учун жаҳон чемпионатида ғолиб чиқа оламиз.

— Ундан нималарни ўргандингиз?

— Биринчи навбатда, унинг футболга бўлган ёндашувини: ўта профессионал ва жиддий. У ҳеч нарсани тасодифга ташлаб қўймайди. Майдонга тушаётганда у 100 фоиз тайёр эканлигини ва жамоа учун қўлидан келган барча ишни қилганини билиб туради, — деди Витинья.