Yarim himoyachi Bernardu Silva mavsum yakunlanganidan keyin "Manchester Siti"ni tark etadi. Avvalroq AS nashri sahifalarida portugaliyalik futbolchi hali ham eng yuqori darajada to‘p surish uchun o‘zida kuch sezayotgani haqida yozilgan edi. Ko‘rsatilgan manbaga ishonadigan bo‘lsak, futbolchining agenti Jorje Mendesh aprel oyidayoq Bernardu Silva nomzodini "Real"ga taklif qilgan. O‘sha paytda madridliklar portugaliyalikni sotib olish borasida hech qanday rejaga ega emasdilar.
Jurnalist Xose Feliks Dias Silva va "Real" haqidagi o‘zining o‘sha aprel oyidagi insaydini yana bir bor eslatib o‘tdi.
"Real"da Bernardu Silvaning "Bernabeu"da o‘ynash istagi borligidan bir oydan beri xabardorlar", — deb yozdi jurnalist ijtimoiy tarmoqlarda.
"Real" hozirda Ispaniya chempionati turnir jadvalida ikkinchi o‘rinda bormoqda.
