Rossiyalik darvozabon Matvey Safonov UYEFA Chempionlar ligasi yarim finali doirasida Myunxenning «Bavariya» klubiga qarshi o‘z maydonlarida kechgan uchrashuvni yodga oldi. O‘shanda parijliklar o‘z uylarida 5:4 hisobida g‘alaba qozonishgan edi.
«Yarim finalda «Bavariya»ga qarshi o‘tkazilgan dastlabki o‘yin men uchun ulkan tajriba bo‘ldi. Umid qilamanki, faoliyatimda bunday uchrashuvlar hali ko‘p bo‘ladi. Ushbu bahs xotiramda uzoq vaqt saqlanib qoladi», — deya golkiperning so‘zlarini keltirmoqda klub matbuot xizmati.
Eslatib o‘tamiz, «PSJ» ikki o‘yin natijasiga ko‘ra (6:5) Germaniya grandidan ustun kelgan edi. Chempionlar ligasining final uchrashuvida Luis Enrike shogirdlari Londonning «Arsenal» klubiga qarshi maydonga tushishadi. Bahs 30 may kuni Budapeshtda bo‘lib o‘tadi.













