Yakshanba, 24 may kuni Angliya chempionatining so‘nggi turi doirasida «Chelsi» mehmonda «Sanderlend»ga qarshi bahs olib boradi. London klubi bosh murabbiyi Kalum Makfarlen matbuot anjumanida bo‘lajak uchrashuv haqidagi kutilmalari bilan o‘rtoqlashdi.
«Bu ajoyib o‘yin bo‘ladi. Ikkala klubga ham g‘alaba juda zarur. Raqib juda kuchli. Bizga ijobiy natija, uch ochko va turnir jadvalida yuqorilash imkoniyati kerak. G‘alaba qozonish uchun barcha imkoniyatlarimiz bor, faqat o‘z kuchimizni maksimal darajada namoyish etishimiz talab qilinadi», — dedi Makfarlen.
Ayni damda «ko‘klar» Angliya Premyer-ligasi turnir jadvalida 52 ochko bilan sakkizinchi o‘rinni egallab turibdi.
