Bugun, 24 may kuni Angliya Premyer-ligasining 2025/2026 yilgi mavsum 38-tur doirasida «Manchester Siti» va «Aston Villa» jamoalari o‘zaro to‘qnash kelishadi. Uchrashuv Manchesterdagi «Etixad» stadionida bo‘lib o‘tadi. O‘yinni bosh hakam Endryu Medli boshqarib boradi. Uchrashuv Toshkent vaqti bilan soat 20:00 da boshlanadi.
Jamoalarning asosiy tarkiblari:
-
«Manchester Siti»: Trafford, Diash, Stounz, Ake, Lyuis, N. Gonsales, B. Silva, Reynders, Foden, Savio, Semenyo.
-
«Aston Villa»: Bizot, Lindelyof, Mings, Garsiya, Matsen, Bogard, D. Luis, Barkli, Buendiya, Uotkins, Beyli.
Angliya chempionatining 37 turidan keyin «shaharliklar» 78 ochko bilan ikkinchi o‘rinda borayotgan bo‘lsa, Birmingem klubi 62 ochko bilan to‘rtinchi pog‘onani egallab turibdi.
Eslatib o‘tamiz, o‘tgan turda Xosep Gvardiola shogirdlari «Bornmut» bilan durang (1:1) o‘ynagan bo‘lsa, Unai Emeri boshchiligidagi «Aston Villa» «Liverpul»ni 4:2 hisobida mag‘lubiyatga uchratgan edi.
