«Komo» Italiya chempionatining (2025/26 yilgi mavsum) 38-turi doirasida safarda «Kremoneze»ni 4:1 hisobida mag‘lub etdi. Uchrashuv «Jovanni Dzini» stadionida bo‘lib o‘tdi.
G‘oliblar safida Xesus Rodriges, Anastasios Duvikas va Lukas Da Kunya (dubl) gol muallifiga aylanishdi. 71-daqiqadan boshlab «Kremoneze» bir kishi kam bo‘lib o‘ynadi, Alberto Grassi qizil kartochka olib, maydonni tark etdi.
«Komo» 71 ochko jamg‘arib, A Seriya turnir jadvalida to‘rtinchi o‘rinni egalladi. Sesk Fabregas boshchiligidagi jamoa klub tarixida ilk bor Chempionlar ligasida ishtirok etadi.
«Kremoneze» (34 ochko) esa 18-pog‘onada qolib, B Seriyaga ravona bo‘ldi.
«KREMONEZE» — «KOMO» — 1:4
Gollar: Adrian Rodriges 36 (0:1), Anastasios Duvikas 51 (0:2), Federiko Bonassoli 55-pen (1:2), Lukas Da Kunya 74-pen (1:3), Lukas Da Kunya 81 (1:4).
«Kremoneze»: Audero, Byanketti, Luperto, Terrachchano (Barbyeri, 83), Torsbi (Floriani, 46), Male (Vandeputte, 16), Grassi, Pessella, Dzerbin (Kollocholo, 46), Vardi, Bonassoli (Lottichi Tessadri, 85).
«Komo»: Byute, Kempf, Ramon, Moreno (van der Brempt, 76), Smolchich, Perrone, Da Kunya, Baturina (Voyvoda, 83), Rodriges (Kakere, 64), Diao (Serji Roberto, 83), Duvikas (Morata, 83).
Ogohlantirishlar: Torsbi (21), Vardi (61), Byanketti (71), Vandeputte (76) — Rodriges (20), Moreno (49).
Chetlatish: Grassi (71).
