La-Korunya shahri sharafini himoya qiluvchi Ispaniyaning «Deportivo» klubi La Ligaga qaytdi. Bunga Segunda musobaqasining so‘nggidan oldingi turida «Valyadolid» ustidan qozonilgan 2:0 hisobidagi g‘alabadan so‘ng erishildi.
Ushbu g‘alabadan keyin jamoa turnir jadvalida ikkinchi o‘rinni naqd qilib oldi va «Almeriya»dan 6 ochkoga ilgarilab ketdi. So‘nggi tur oldidan «Deportivo»da birinchi o‘rinni egallash imkoniyati ham saqlanib qolmoqda.
Jamoani o‘tgan yildan boshlab, o‘zining futbolchilik faoliyatini «Barselona»da boshlagan mahalliy mutaxassis Antonio Idalgo boshqarib kelmoqda.
Eslatib o‘tamiz, «Deportivo» o‘z tarixida 2000 yilda mamlakat chempioni bo‘lgan, shuningdek, uning hisobida 2 ta Ispaniya kubogi, 3 ta Superkubok va Intertoto kubogi mavjud. Klub 2017/18 yilgi mavsumdan buyon elita divizionida ishtirok etmayotgan edi.
