Myunxenning «Bavariya» klubi «Nyukasl» vingeri Entoni Gordonni transfer qilish bo‘yicha o‘z rejasini ishlab chiqdi.
BILD nashriga ma’lum bo‘lishicha, «Bavariya» Gordon uchun kelishuvga darvozabon Aleksandr Nyubelni qo‘shish imkoniyatini ko‘rib chiqmoqda. Entoni myunxenliklarning yozgi transfer oynasi uchun asosiy nishonlaridan biri bo‘lib turibdi.
Qayd etilishicha, Nyubelning amaldagi uzoq muddatli shartnomasi bo‘lishiga qaramay, u «Bavariya»ning kelajakdagi rejalariga kirmaydi. Avvalroq, Germaniya grandi yillik maoshi 11-12 million yevroni tashkil etuvchi Nyubeldan qutulmoqchi ekanligi haqida xabarlar tarqalgan edi.
Yakunlangan mavsumda Gordon «Nyukasl» safida 45 ta o‘yinda maydonga tushib, 17 ta gol va 5 ta golli uzatmaga mualliflik qildi. Transfermarkt ma’lumotlariga ko‘ra, 25 yoshli ingliz futbolchisining bozor qiymati 60 million yevroni tashkil etadi.
