Madridning «Real» klubi yarim himoyachisi Arda Gyuler hujumchi Kilian Mbappe bilan maydondagi hamkorligi haqida o‘z fikrlarini bildirdi. Fransuz futbolchisi 25 ta gol bilan La Liganing eng yaxshi to‘purariga aylandi. Ularning oltitasida aynan turkiyalik futbolchi bevosita assistentlik qildi — bu chempionatdagi eng sermahsul duet hisoblanadi.
«Kilian bilan futbolga bo‘lgan qarashlarimiz juda o‘xshash, shu sababli maydonda o‘rtamizda o‘ziga xos «kimyo» paydo bo‘lgan. Maydondan tashqarida ham u juda ajoyib inson», — deya Gyulerning so‘zlarini keltiradi Madrid Universal nashri.
Eslatib o‘tamiz, «Real» La Liga turnir jadvalida ikkinchi o‘rinni egalladi va «Barselona»dan sakkiz ochkoga ortda qoldi. Arda Gyuler madridliklar safida 2023 yildan buyon to‘p surib kelayotgan bo‘lsa, Kilian Mbappe «qirollik» klubiga bir yil keyin kelib qo‘shilgan edi.
