«Roma» hujumchisi Paulo Dibala klubda qolishga qaror qildi. Argentinalik futbolchining amaldagi shartnomasi kelgusi oyda yakuniga yetadi, biroq tomonlar yangi bitimni imzolash arafasida turibdi, deb xabar beradi jurnalist Nikolo Skira.

Shartnoma deyarli tayyor. Kelishuv 2028 yilgacha mo‘ljallangan bo‘lib, futbolchining yillik maoshi bonuslarni hisobga olmaganda 2,5 million yevroni tashkil etadi.

Paulo Dibala 2022 yilning yozidan buyon «Roma» safida to‘p surib kelmoqda. Yakunlangan mavsumda hujumchi jami 27 ta o‘yinda maydonga tushib, 3 ta gol va 8 ta golli uzatmaga mualliflik qildi.

Eslatib o‘tamiz, avvalroq matbuotda 32 yoshli futbolchining Argentinaga qaytishi mumkinligi haqida xabarlar tarqalgan edi.