Argentina terma jamoasi bosh murabbiyi Lionel Skaloni «Roma» hujumchisi Paulo Dibalani nima uchun qaydnomaga kiritmagani haqida gapirib berdi.

«Pauloning mahorati haqida gapirishga hojat yo‘q, u — buyuk futbolchi. U jarohatdan so‘ng ajoyib sport formasida qaytdi. Biroq vaqt o‘tishi bilan yangi yosh futbolchilar paydo bo‘ladi va ular jamoaga o‘z hissasini qo‘sha boshlaydi. Bizning holatimizda uning pozisiyasida mustahkam o‘rin egallagan va imkoniyatga loyiq yigitlar bor. Dibalaning sifati shubha tug‘dirmaydi, biz uni qadrlaymiz, lekin har doim nafaqat bugungi kunga, balki kelajakka ham qaraymiz», — deya Skalonining so‘zlarini keltirmoqda DSPORT.

Paulo Dibala 2015 yildan beri Argentina terma jamoasi sharafini himoya qilib keladi. U milliy jamoa safida jami 40 ta o‘yin o‘tkazib, 4 ta gol urishga muvaffaq bo‘lgan.