Germaniya terma jamoasi sardori Yozua Kimmix jamoaning bo‘lajak Jahon chempionatidagi imkoniyatlari haqidagi savolga javob berdi.
"Biz final yoki Jahon chempionatidagi g‘alaba haqida o‘ylamasligimiz kerak. Albatta, har bir inson bu haqda orzu qiladi, ammo turnir oldidan bu mavzudagi mulohazalar hech qanday yaxshilikka olib kelmaydi. Undan ko‘ra, qanday futbol o‘ynamoqchi ekanimiz haqida o‘ylaganimiz ma’qul", — deya Kimmixning so‘zlaridan iqtibos keltiradi Bayern & Germany.
Yulian Nagelsmann boshchiligidagi jamoa guruh bosqichida Kyurasao, Kot-d’Ivuar va Ekvador terma jamoalariga qarshi bahs olib boradi.
