«Koventri Siti» bosh murabbiyi Frenk Lempard Angliya Premyer-ligasining bo‘lajak mavsumi haqida o‘z fikrlarini bildirdi. Jamoa yuqori divizionda Chempionship g‘olibi sifatida ishtirok etadilar.
«Biz tayyor bo‘lishimiz kerak, chunki APLning boshqa jamoalari bilan oramizdagi farq juda katta. Ushbu farqni yo‘qotish qanchalik qiyinligi haqida ko‘p gapirilgan va biz buni tushunib turibmiz. Lekin, menimcha, biz hozirgacha qilgan ishlarimizdan zavqlanish imkoniyatiga egamiz va bu juda soz. Endi esa keyingi qadamlarimiz haqida o‘ylashimiz kerak.
Bizda Premyer-ligada o‘ynash tajribasi yo‘q. Tarkibimizda ilgari u yerda o‘ynagan futbolchilar ham deyarli mavjud emas. O‘tgan mavsum shunchaki ajoyib o‘tdi va futbolchilarimiz kuchayishdi. Imkon qadar yaxshiroq natija ko‘rsatish uchun o‘z uslubimizda ishlashda davom etamiz. Bu klubimiz uchun ajoyib chaqiruv va hayajonli tarixdir», — deya Lempardning so‘zlarini keltiradi Sky Sports.
