«Liverpul»ning sobiq bosh murabbiyi Arne Slot klubdan ketganidan so‘ng muxlislarga o‘z minnatdorchiligini bildirdi.
«Bu «Liverpul» bilan birgalikdagi ajoyib sayohat bo‘ldi. O‘tgan mavsumda chempionatda g‘olib chiqqanimizdan juda minnatdorman», — deya Slotning so‘zlarini keltiradi jurnalist Fabrisio Romano o‘zining X ijtimoiy tarmog‘idagi sahifasida.
Niderlandiyalik mutaxassis 2024 yilning yozidan buyon mersisaydliklarni boshqarib kelayotgan edi. Uning qo‘l ostida «Liverpul» 2024/2025 yilgi mavsumda Angliya chempioniga aylandi.
Yakunlangan mavsum natijalariga ko‘ra, «qizillar» 60 ochko jamg‘arib, turnir jadvalida beshinchi o‘rinni egallashdi. «Liverpul»ga tayinlangunga qadar Slot «Feyenoord» klubini boshqargan.
